രണ്ടു വര്‍ഷത്തില്‍ അധികമായി നീണ്ട ചെങ്ങറ സമരം അവസാനിച്ചു.
മുഖ്യമന്ത്രിയും, പ്രതിപക്ഷ നേതാവും, സമര സമിതി നേതാക്കളും ഒക്കെ ചേര്‍ന്നു നടത്തിയ ചര്‍ച്ചക്ക് ശേഷം ആണ് തീരുമാനം.
ഒരു മേശക്കു ചുറ്റും നേതാക്കള്‍ ഒരു മണിക്കൂര്‍ ഇരുന്നു സംസാരിച്ചാല്‍ തീരാവുന്ന ഒരു പ്രശ്നം രണ്ടു വര്‍ഷത്തില്‍ ഏറെ ഇങ്ങനെ വലിച്ചു നീട്ടി ഭരണ പക്ഷവും പ്രതിപക്ഷവും സമരക്കാരും ഒക്കെ ചേര്‍ന്ന് പരസ്പരം ചെളി വാരി എറിഞ്ഞു മുതലെടുപ്പ് നടത്തിയത് എന്തിനു വേണ്ടി ആയിരുന്നു.
ദേശാഭിമാനിയില്‍ പലപ്പോഴായി സമര നേതാക്കളെ പറ്റി പല വിധ ആക്ഷേപങ്ങളും വായിക്കാന്‍ ഇടയായി. വീടും സ്ഥലവും ഉള്ളവര്‍ ആണ് അവിടെ സമരം ചെയ്യുന്നതെന്നും, നേതാക്കള്‍ ഒക്കെ സമ്പന്നര്‍ ആണെന്നും ഒക്കെ ആയിരുന്നു വാര്‍ത്തകള്‍. അതുപോലെ ഇടതുപക്ഷം അവിടെ ഉപരോധം തീര്തതായും കേട്ടിരുന്നു.
ദളിതരുടെയും , ആദിവാസികളുടെയും താല്പര്യങ്ങള്‍ സംരക്ഷിക്കുന്നതില്‍ ഇടതു ഭരണം പിന്നിലാണെന്ന് ഈയിടെ ഇടതു മുന്നണിയിലെ ആര്‍.എസ്.പി (R.S.P) നേതാവ് ചന്ദ്രചൂഡന്‍ പറഞ്ഞിരുന്നു.
ഇപ്പോള്‍ വായിച്ച വാര്‍ത്ത: സീ.പീ.എം. ന്റെ ഭീക്ഷണി ഭയന്നാണ് സമരത്തില്‍ നിന്നും പിന്മാറിയതെന്ന് സമര സമിതി നേതാവ് ളാഹ ഗോപാലന് പറയുന്നു.
ഇങ്ങനെ ഒരു സമരം രണ്ടു വര്‍ഷത്തോളം നീണ്ടു നിന്നതിന്റെ ഉത്തരവാദികള്‍ ആരാണ്. സീ.പീ.എം. ന്റെ ഭീക്ഷണി ആണോ സമരം തീരാന്‍ കാരണം? പാവങ്ങളുടെ (?) ഈ ഗവര്‍മെന്റ്റ് സമരക്കാര്‍ക്ക് കൊടുത്തതായി പറയപ്പെടുന്നു വാക്ക് പാലിക്കുമോ?
കാത്തിരുന്ന് കാണാം....
ചെങ്ങറ സമരം തീര്‍ന്നതായി റിപ്പോര്‍ട്ട്‌.
Subscribe to:
Post Comments (Atom)
ഈ സമരം എന്ത്കൊണ്ടും ഒരു വിജയമാണ്. അടുത്ത കാലത്ത് ഒരു ജനകീയസമരം വിജയം കാണുന്നത് ആദ്യമായാണ്. അതും ഒരു രാഷ്ട്രീയപാര്‍ട്ടിക്കും പിതൃത്വം അവകാശപ്പെടാനില്ലാതെ. ഇച്ഛാശക്തിയുള്ള,മുതലെടുപ്പില്ലാത്ത ഒരു നേതൃത്വം ഉണ്ടെങ്കില്‍ ഏത് ജനകീയസമരവും വിജയിക്കും എന്നതിന്റെ ദൃഷ്ടാന്തം കൂടിയാണിത്. ഇത്രകാലം സമരം നയിക്കാന്‍ കെല്പുള്ള ഒരു രാഷ്ട്രീയപ്രസ്ഥാനം ഇന്ന് നിലവിലില്ല. ഏറ്റവും ശ്രദ്ധേയമായ കാര്യം ഈ സമരത്തെ തീവ്രവാദികള്‍ക്ക് ഹൈജായ്ക്ക് ചെയ്യാന്‍ കഴിഞ്ഞില്ല എന്നതാണ്. തികച്ചും ജനാധിപത്യരീതിയില്‍ സഹനസമരം നടത്തി ഭാഗികമെങ്കിലും വിജയത്തിലെത്തിച്ച ളാഹ ഗോപാലന് അഭിവാദനങ്ങള്‍ നേരാം!
സര്‍ക്കാര്‍ വാക്കു പാലിക്കുമോ എന്നു കണ്ടറിയേണ്ടിയിരിക്കുന്നു.
samaram vijayam thane, ithenkilum avarke kitate.. sarkar vakku palikate.
madhyamangal kanumpol chilapol thonunu, samaram theernathil oru vishamam avarke undo enne? elavarkum avarudethaya agendakal alle? lokam alle?
:)
John, oru malayalapuzha karan. santhosham kandathil.